|
| 距離完結今個學期重有唔夠一個星期!!由於d大獲野被迫一早完成,而自己又冇心再修改,所以家陣真係有d輕鬆~等放假~真係要講句爽yy~
近排發覺自己迷上左睇動畫,其實自己一向都鍾意睇,但多數都係打鬥,或高達個類.不過自從睇過love hina個類動畫之後,發覺自己係咩類型既動畫都鍾意睇,最緊要係個故事正就得~
之前一口氣睇晒成套macross 7 再煲埋套macross f,真係好正,尤其係macross f個度會有時播返macross7 d歌,被人覺得制作人冇忘記以前既故事~真有feel~ 而且macross f真係一套爆分動畫, 畫面,故事,戰鬥,同埋個d歌都係正到暈~~聽聞會有ova~真係期待~
睇game書提到一套叫<k-on>輕音少女既動畫,講佢入邊其中一個角色,以極快速度拎到日本宅男分分被迷住,見佢講到咁誇張,都攪到我想睇下. 其實套野d故事都唔差,,,而且係d同音樂有關既動畫,我都會特別鍾意~ 可以依家每個星期又追多套動畫~ 鋼煉fa同龍珠z改~
重有套<初戀限定> 由河下水希小姐所畫既人設,其實好耐之前已經覺得佢畫角色好有自己既風格同好靚,不過個時好少接觸呢類漫畫而冇睇過,不過屎忽痕睇過一集<初戀限定>之後就俾佢個故事吸引住.不過最攪笑係,個d女角個樣點睇都唔似14,5歲下話....
最後重有一套<天才痳雀少女>,原本係見個名屎忽痕睇下,點知個故事又係寫得幾好,好有個時棋魂既feel~ 最正係雖然入邊d角色差唔多每個人都有d類似絶招既野,但係會用d好正常同合羅輯既方式去破解,最鍾意睇呢類型既故事~
人設就唔多討好,,不過個故事唔錯~
龍珠z改做緊 撒亞人 來襲篇,以前細過老母唔俾睇, 家陣終於可以睇返~
最吸既角色唔係呢個,,,而係個bass手 秋山澪
差唔多咩成份都有d既 戀愛動畫~
我最喜愛既動畫~重製一千次都睇~
本年度我最喜愛動畫~
| | |
| 好耐冇打過xanga~ 一來係個人懶左... 二來個心去左第二度~ka~
不經不覺已經黎到大三最後一個月,,,講真今年真係冇乜野做咁,,,,但係去到下學期,先知大獲, 一套電影,一套maya動畫,一個flash功課,,,,已經令我覺得好頭痛,而且自問自己對maya真係10%知識都唔知有冇,,,flash我估都有20既~真係冇個個feel去做,而且成年都懶到出汁..,攪到家陣個人都提唔起勁去做野,唯一係 係學校既時候先有heart做~因為有技術人員幫手,事半功倍~
不過家陣真係有一種唔知有冇可能完成度既感覺~
近期迷上左一套叫<love hina>又名純情房東俏房客既動漫,自問自己真係未睇過關於愛情既動漫,但係其實呢套野係我讀中學個陣已經想睇,唔知點解到今時今日先正式去睇~ 睇完成套動畫真係迷上左,個故事好正,因為佢唔係個d生離死別既愛情故事,雖然只好簡單咁講兩個中學生相愛,但我覺得個作者真係寫得好到位,另我睇完都唔多捨得個故事就咁完左,之後重睇埋個漫畫版~ 點知原來漫畫版重正,成個故事好完整咁結局,赤松健先生果然利害~呢套漫畫亦都係佢既成名作而且拎晒漫畫獎~不得不佩服日本人既漫畫創作熱誠~~ 睇晒之後,重睇埋佢地班 聲優專為呢套野而開既東京演唱會~有d歌聽返真係好有feel~~ 家陣關於呢套野既動&漫都睇晒,個人真係有一種唔捨得既空虛感~呢套野係計<男兒當入樽>同<鋼之煉金術師>後,另一套拎我難忘既漫畫~~ 不過我其實應該好忙至係,,,唔知點解會有咁多時間睇動畫~kakak~
一套少少喊多多趣既 愛情漫~ | | |
| 今日要去hk上堂~~ 由於順路既關係決定去hk買埋隻 bio harzard5限定版~(惡靈古堡5),因為澳門d釬商實在炒得太貴,,,,所以迫住我要係hk消費~
今日一早7點半起身,8點鐘去到威尼斯人拎船飛,,,家陣d拎船飛服務(外圍掛機團)好似又平左又好左,對我地黎講係好事~等齊人就去碼頭上船,,,不過夾b同cice就好聰明咁,,自己去塔bus,,都唔叫我地車,結果佢地係上唔切船.... 去到hk,見未有得影相,因為屎忽鬼同姐姐佢地要影先,咁我地只好出去買埋d材料,不過阿sir個度地勢太偏遠,所以去百佳都要行4,5個字先到,,,返到去studio都已經係食中午...阿sir例排請食 pizza hut~不過由於今朝架船坐得好辛苦,加上對住份功課好大壓力,,個人都冇乜胃口,,,食完野就正式開始影呢張爛嗅相,不過我地發現原來係超出我地既能力範圍....至少我認為連阿sir都未必影到,,,不過佢都話呢張相有晒最難影既野係度,,係好有挑戰性.由於太有挑戰性既關係,,,我只好走去同stella玩足球機1on1...唔知係佢真係勁,定我運唔夠,,,,兩次同佢玩,,,都開頭輸5,6分,,,,最後追返9比9,,,都係輸俾佢一粒,,條氣真係唔順~~嬴唔到阿媽~ 事後問阿sir先知部機只係要20$就入手,如果可以我都想入一部係家,,,不過我家冇咁多位放呢d野~ka~
完左堂課,男子組陪我去旺角買左隻bio5先,因為我驚關門,,,咁就白行,網上情報冇錯,hk真係冇炒,498$入手,,,重幫埋個fri買多隻~ 之後一齊去左 壯腸丸(漢腸苑)食韓國燒烤! 好味~~而且比我上次去食個間重底重多野食~~食完野~我地就行多一次先返澳門,因為驚隻船又搖得太勁就仆街,,,最後塔12點返澳門,係碼頭重見到潘sir~不過冇hi佢,,,因為我怕左佢d 爛gag,,,, 返到黎第一時間沖涼,試game!雖然feel到隻腳爭好痛,但都要行出廰打機!隻bio5不愧為次世代期待大作,好玩到爆,不過如果可以同埋個fri 2play coop~就爽到爆~ 聽日希望落場大雨~等我好好地咁係屋企訓個好教~ 
能夠入手呢隻限定版~真係要多謝 傻豹~kaka~
最後送上一張 阿媽底能照~ | | |
| 呢單野真係不吐不快~~ 雖然唔係我本人經歷,但都feel到個條友有幾仆街. 話說今日女友接左job要去幫兩個姊妹化妝,重攪到我晨早起身車佢地去~~跟住女友開頭幫其中一個化妝都冇問題,點知一到第二條友,就遇到正個八婆...一路化,一路話唔靚,,又話我女友唔識化,跟住又要落妝,化第二個,跟住又話唔靚,又要落,重要係咁同周圍d姊妹講話佢化得唔掂...之後攪到遲左走唔到. 女友返到黎同我講左之後,,,冇耐條粉人打黎,話收幾多錢,女友開頭話收原價,條粉人就話,<唔係丫痳,化得咁差都要收原價?我一陣重要搵另一個人幫我化過,,,我重蝕.>跟住我女友都唔同佢嘈話咁收半價你半意未...條友先收聲~ 點春知條粉人粉到連set頭都只俾半價...真係個少少錢我買隻game都唔夠啦,係咪真係有咁粉既八婆丫???個班姊妹重有個又係粉人二世~見佢地set緊頭走黎話可唔可以幫佢電埋,,,點春知電完唔俾錢,話<你都冇講過要收錢,我唔會俾架> 我真係屌你老母...20$姐,,唔係咁都唔捨得丫下,,,你係屋企用三腳插電頭架? 最後女友唔想攪大件事,話俾面另一個fri話算,係條氣唔順咁解,,,,
呢單咁既野如果係我,我一定要收足,佢唔俾我一定報警,反正你地攪結婚,有警察黎攪串場都係你地自己拎黎姐~~ 唔通你去剪髮剪得唔靚你唔俾錢!? 真係呢個世界幾cheap既女人都有~你係覺得唔靚既第一個化好左個陣,你已經好出聲話唔化啦,,,,真係至粉掌門人~~真係油錢都蝕埋俾條粉人! 3月1日係觀光塔攪婚禮既粉人姊妹~祝你成世化d妝都唔貼粉~ | | |
| 星期日2月15日係老死勝爺既結婚大日子,,,身為伴郎既我,攪到晨早6點起身morning call....結婚真係好痳煩,不過由於成班兄弟7成都係自己d fri~所以都玩得好開心,尤其係接新娘個陣玩到好癲,唯一慶幸既係唔洗食個個雜果芥末包....夜晚既環節直頭可以用個正字黎形容,,因為傳說中既靚仔泉被迫上台跳舞~實在係笑到傻,,,,,而且新郎哥都俾我地攪到佢喊左出黎,真係幾感覺個場面,由於第二朝要一早起身present既關係,所以我就冇走下場,塔順風車回家~~ 上星期拎左個xbox hd出去改120gb....間野拖到我今日先有得拎,攪到我對住隻街霸4餓左成個星期!今日渣車逆駛個時,俾個交通迎面撞到正一正,個交通個樣好惡,,,心念死硬,點知佢話完我兩句,就叫我下次唔好,,,個一刻我真係 真心同佢講句sorry~sir~
由於hd已經到手~今晚就狂煲街霸~一晚之間已經爆晒全部25個角色~拎晒所有人物,重上網同人抽左幾局,真係正到唔想停,所以一打就打到3點.....聽日個堂maya睇黎又要走堂~成個星期冇得見<呻吟>老師~真係唔好意思~
大電視+靚音響+街機制= 完美享受街霸4 
祝賀佢地能夠永結同心~白頭到老
肥潘做mc真係好掂~~
| | |
|
